Die chliine Bandite müend all hinder Litter gah
Und die grosse Gangschter did sind all immer no da
Sie töted und sie chlaued doch mär gseht ihne das nöd
Ah sie sind kei chliini Fisch, sie sind die gröschti Mafia
Wie am Spieltisch sind s' am würfle
Und sie mischled ihri Charte
Sie sind am grabe und sind am schürfe
Als war die ganz Welt ihre Garte
Lueg emal was sie mached hey sie spieled jetzt Monopoly
Lueg emal was sie spieled jetz es isch Räuber ohni Poli
Es isch wie Penalty-Schüsse aber sie spieled ohni Goali
Will egal uf was sie setzted für sie schenkt's sowieso voll ich
Lueg emal wie sie gambled als wür's Bingo oder Lotto sii
De Normalverbrucher cha nöd mitspiele nei s'cha nöd de Otto sii
Gängster fahred Limousine, fahred nöd mit Opel ich
Und dehtä wo sie sich träffed hey deht därf nöd jedä Trottel hii
Lueg die chliine Bandite hey die müend alli hinder Gitter sii
Die Grosse teiled sich de Chueche als würdet sie Konditär sii
Es isch wie im Dschungel und zum überlebe musch de Fitter sii
Raubtiermässig sie chönnted au Leue oder Tiger sii
Wie Vampire suuged sie das Bluet use litterwiis
Öl flüsst dur d'Röhre und Kupfer wird verlade chischtewiis
Und d'Lüüt vo deht wo's herchunnt die zahled dänn de bitter Priis
Will für sie di dunkli Wolke und s'suure Gwitter bliibt
Lug emal was sie mached mit de Welt hey sie verchaufed sie
Lug emal was sie mached mit de Lüüt hey sie verchaufed sie
Gänd ihne neui Näme und Religione ja sie taufed sie
Früener isch's genau so gsi doch hüt chönnt's au e Metaphors sii
Gänd ihne neui Götter zum abete und a die glaubed sie
Früener hät's no dörfe Vater Gott und Jesus Christus sii
Hüt isch's numeno Richtum uf de Erde und immer meh muss es sii
Doch leider cha's nöd jedä sii, nöd jedä chan en Krösus sii
Lueg emal was passiert hey chumm lueg jetz wie die Blase platzt
Sie bsetzted d' Wallstreet und d'Bahnhofstrass, Paradeptatz
D'Lüüt protestiered jetzt will ihne bald de Chrage platzt
Er isch zu gross worde de Pirate ihre Schatz
Die chliine Bandite müend all hinder Gitter gah
Und die grosse Gängschter, die sind all immer no da
Sie töted und sie chlaued doch mär gseht ihne das nöd ah
Sie sind kei chliini Fisch sie sind die gröschti Mafia
Zeige deinen Freunden, dass dir Bandite und Gaengschter von Phenomden gefällt:
Kommentare