Zimmer
Quelle: Spotify
wo mir früeh am morge si aacho
hei mir üs es billigs zimmer gno
wo me vom fänschter uus
de schiff hätt chönne winke
we me hätt wöue
d wänd hei blaui tapete gha
mit guldgäube lilie & überem bett
es bild vom garibaldi wonis zuegluegt het
& nes chruzifix
lisli het me d heizig ghöre surre
oder tube wo vor em fänschter gurre
mau e hung mau es näbuhorn
schritte & schtimme vom gang här
oder vo duss
dr teppich isch rot gsi & het persisch ta
dr chronlüchter wo ne waggu het gha
& im egge e schtuehl, e tisch, druff e vase
mit blueme us plastig
I gloube, das & dr bahnhof & süsch nid viu
meh hei mir zwöi I dere wuche
vo venedig gseh
Zeige deinen Freunden, dass dir Zimmer von Patent Ochsner gefällt:
Kommentare