Nachtgänger
Quelle: Spotify
I gieng gärn hei,
wenn I wüsst, wo das isch,
i dere mondlose nacht
& irgendwo
– wär weiss –
brönnt villech no nes liecht für mi.
& dert im garte schteit e brunne
& ds wasser fliesst use i räbbärg
& d truube sy rund & vou & süess.
so wie's muess sy,
genau so wie's muess sy
das schiff hie sinkt,
I bruuchen es nöis.
mys schiff geit unger
& my hafen o.
das schiff hie sinkt,
I bruuchen es nöis
& ne nöie hafe bruchen I o
I gieng gärn hei,
wenn I wüsst, wo das isch,
i dere rabeschwarze nacht
& irgendwo
– wär weiss –
geit villech no ne türe uuf.
& dert drhinger isch es zimmer
& aui fänschter göh gäg süde.
& dr himu isch wulkelos & klar,
so, wie's muess sy,
genau so, wie's muess sy.
das schiff hie sinkt,
I bruuchen es nöis.
mys schiff geit unger
& my hafen o.
das schiff hie sinkt,
I bruuchen es nöis
& ne nöie hafe bruchen I o
das schiff hie sinkt.
Zeige deinen Freunden, dass dir Nachtgänger von Patent Ochsner gefällt:
Kommentare