[Featuring: Allan Mitchel]
Tulog na anak at bukas
ay may umagang darating,
minamasdan kita habang tulog
na parang isang bituin.
Kahit pa iniwan tayo ng iyong ina,
dahil ako'y mahirap
kaya't sumama sa iba.
Ngayon ika'y musmos pa lamang
tatlong taong gulang.
Lahat ay gagawin, haharapin,
mapag-aral ka lang.
Upang maabot mo,
buhay na pinapangarap ko;
at iyong malisan
hirap na kinamulatan ko
Lumipas ang ilang taon,
ako ay umalis,
at sa malayong pook
ako ay nag-tiis.
Larawan mo ang
laging hawak hawak ko.
Ano mang dusa, ito ay kakayanin ko.
Ako ay nagbalik
sa araw ng 'yong kaarawan.
Malayo pa lamang nakita ko na
ako'y kinabahan, bakit maraming ilaw
sa loob ng aming tahanan? Ako'y lumuluha
mukha mo a'y pinagmamasdan.
Paalam na aking anak,
at sa gabing darating
ako ay titingala,
at hahanapin ka sa mga bituin.
Zeige deinen Freunden, dass dir Bituwin von Gloc 9 gefällt:
Kommentare