Wie iech nog e jungske waor
Quelle: Spotify
Wie iech nog e jungske waor, zoe vaan e jaor of zés
Vóng iech gere vaan alles aon en leet iech niks mét rös
Zaot iech aon e trömmelke, pakte miech e keukske
Daan zag m'n mam: doe deugeneet, iech zét d'ch in 'n heukske
Tralala...
Wie iech al get groeter woord, de sjaoltied waor veurbijj
Had iech gere, wie eederêin, e mêidske aon m'n zijj
E knap geziechske, 'n aordig keend, mét um de kop 'n deukske
Mer iech spraok noets met de mêidskes aof, op êin of aander heukske
Tralala...
Wie iech later vrijje ging, m'n hart vol goje mood
Veer stoonte stiekum neve de kèrrek, iech weet 't nog zoe good
Opins versjeen menier Pastoer, dee zag toen mét e vleukske:
"Wat doen m 'ch die twie knape noe, heij in dat duuster heukske"?
Ohlalala...
Tralala...
Es iech bijj St. Petrus kom en klop daor aon z'n deur
Daan zeet 'r: "Jóng, kom doe mer d'rin, doe steijs d'r hiel good veur
Doe höbs toch nemes kwaod gedaon, dao sjteijt niks in mie beukske"
Daan zégk iech: "Petrus, zét miech mèr mét e Bengelke in 'n heukske"!
Tralala...
Zeige deinen Freunden, dass dir Wie iech nog e jungske waor von Benny Neyman gefällt:
Kommentare