Die nähxte Stadt, dieselbe Crew, nur'n andre Hall, en Dos 'Bier un Schwachsinn om Hotelkanal. Häzzschlaach em Takt vun 'nem Song, dä du ald 1000 Mohl op dä Tour jespillt häss. Häss dir ahm Telefon de Finger wundjewählt. Wenn se sich doch melde däät!! Ding Phantasie läuf Amok, un du stells dir vür, wie 'e se em Arm hällt un Sprüch afflööt, die se vun dir nie jehührt. Nur als Streuner häss du dich joot jeföhlt. Wat, usser Rock'n'Roll un wat dozojehührt, hätt dich je intressiert? Eez wenn et Saalleech stirv, un du'm Verfoljer stehs un vun der Bühn uss die Jeseechter siehs, für die du noh Stääne griefs, eez wenn du op die Reis durch ding Erinnrung jehs, bess du do, wo du Jeföhle ennjestehs, kalt un heiß ... laut un leis: Wat, usser Rock'n'Roll un wat dozojehührt, dich noch berührt. "...un wat blieht övvrisch?" hässte dich schon off jefrooch, wenn du ir'ndwo wachloochs un dir dann selvs e X zum U paratjemaat. "Ess et dat wert?", wenn du die Schirve soochs, immer ohne Antwoot. Dat bessje Rock `n Roll für all dä Selvsbetrooch, ess dir dat em Ähnz jenooch?
Zeige deinen Freunden, dass dir Wat, Usser Rock 'N' Roll? von Bap gefällt:
Kommentare