Ich weiß noch janz jenau wie alles ahnfing,
Wie dä janze Schmu un Klüngel losjing.
Sick dämm ess einijes he passiert.
Et Resultat sinn jetz die Bagger,
Dä städtische Vertröstungsmacker,
Dä ahn ding Einsicht appelliert:
Sanierung läuf halt so,
Un ein Saach sowiesu:
Die Zukunft hallt och ihr nit op!
Hä sprich vun Übersicht un sprich vun Weitblick,
Vun Perspektive un vun Fortschritt,
Un dat do met der Zick jonn mööts.
Verzällt, dat alles längs perfekt jeplant wöör,
Dat et deshalb och kei Zoröck jööv,
Un dat do jetz op Sick jonn mööts.
Et däät ihm wirklich leid,
Datte jetz sing Pflicht dunn mööt,
Doch sing Jeduld wöör jetz ze Eng.
Et jeht dir durch der Kopp - wie off schon:
Soll ich jetz blieve oder fottjonn?
Do kriss gleichzeitig Angs un Mut.
Do denks wie off do schon ahn dämm Punkt woors,
Ahn dämm do immer widder nohjoovs.
Jetz spüürste nur noch Ekel un ding Wut.
Denks: Wat ess loss met mir, denn su wie die nevven dir,
Häss do jetz de Naas voll un blievs stonn.
Die nevven dir sinn Kääls un Fraue,
Die lossen sich nit mieh versaue un,
Die wolle nit mieh nur Stimmvieh sinn.
Die haale nit mieh still un waade,
Die losse sich nit mieh verlaade,
Die wehre sich jetz, die mischen sich enn.
Mir weede immer mieh, hoffentlich immer mieh,
Denn nur su hahte mir se op!
Zeige deinen Freunden, dass dir Stollwerck-Leed von Bap gefällt:
Kommentare