1)
Die Toreinfahrt vum Schuster
woor unser Fußballtor,
wo em Winter wie em Sommer
dä Papst ahm boxe wohr,
Schalke en Packung vum F.C. kräät.
Klein Stan Matthews, klein Peles,
klein Hans Schäfers spillten he.
2)
En Bäckerei, en Weetschaff,
Pandhuus un Milchjeschäff,
die Musikbox vum Wirtz woor
ein Woch lang Stadtjespräch,
weil do en unerhörte Plaat
nur noch leef der janzen Daach:
" Love me tender " wat en Sprooch!!
Refr.:
Vun do ahn woor nix wie bessher.
Op eimohl woor irjendjet passiert.
Sujet hatt noch keiner he jehührt.
Su deef hatt noch janix berührt.
3)
Maria Lopez heeß se,
die janze Strooß woor hin:
Pechschwazze Hoor un siebzehn,
en Hillije, en Spanierin.
Sulang noch Leech bei ihr brannt,
sinn se öm dä Block jerannt,
" Marie " stund op jeder Wand.
Refr.:
Vun do ahn woor nix wie bessher.
Op eimohl woor irjendjet passiert.
Sujet hatt noch keiner he jehührt.
Su deef hatt noch janix berührt.
4)
Dä Schuster litt om Südfriedhoff,
sing Pooz ess jetz ne Copyshop,
nur em Wirtz sing Kneip, die jitt et noch
Zeige deinen Freunden, dass dir Nix Wie Bessher von Bap gefällt:
Kommentare